A XV edición da Festa do Viño de Negueira de Muñiz xa ten data
Negueira de Muñiz prepárase para acoller a súa XV edición da Festa do Viño o sábado, 19 de abril de 2025. Este evento, xa consolidado na rexión, busca destacar os sabores auténticos dos viños locais e outras delicias da zona.
Durante a Festa, os asistentes poderán explorar un mercado de produtos de zona que dará comezo ás 13:00 horas, co pregón de Sergio Vallejo.
Os visitantes terán a oportunidade de degustar gratuitamente de viño das adegas da zona amenizado polo grupo de música tradicional Axeigo, de Rábade.
Ademais, a partir das 17.00 horas haberá festa a cargo de Dúo Élite e logo virá a Orquestra Suavecito, que promete amenizar a xornada cun repertorio diverso para todos os gustos. A música converterase nun acompañamento ideal para as catas de viño e o disfrute dos produtos locais.
A Festa do Viño é unha excelente ocasión para descubrir os encantos de Negueira de Muñiz, coñecer a súa xente e saborear os produtos que esta terra ofrece.