Aberto o prazo para apuntarse ás actividades extraescolares gratuítas do curso 26/27 en Portomarín
O Concello de Portomarín puxo en marcha o período de solicitudes para as actividades extraescolares incluídas no programa 'Portomarín Concilia', correspondente ao curso escolar 2026-2027. As familias interesadas poderán presentar a súa petición desde o 22 ata o 30 de setembro.
Esta iniciativa nace co obxectivo de facilitar a conciliación, fomentar o traballo en equipo e favorecer a socialización dos menores unha vez rematada a xornada lectiva. Entre as actividades que se ofrecen figuran a patinaxe e o multideporte, entre outras propostas.
O programa está dirixido a nenos e nenas de entre 3 e 12 anos e conta con 20 prazas por grupo e día. Ademais, a participación é totalmente gratuíta para as familias.
As actividades comezarán o 8 de outubro. Desde o Concello lembran que as prazas son limitadas, polo que animan as familias interesadas a realizar a solicitude dentro do prazo establecido para non quedar sen ela.