Cultura

O multiinstrumentista presentará 'Ao Son de Santa María de Vilabade', un espectáculo que combina sons ancestrais e interpretacións contemporáneas

O músico e construtor de instrumentos ancestrais de Sarria, Abraham Cupeiro, actuará na Igrexa de Castroverde o 28 de marzo de 2026 en dúas funcións, ás 18.00 e ás 20.30 horas, co concerto Ao Son de Santa María de Vilabade.

Este proxecto ofrece unha viaxe sonora única que conecta pasado e presente a través da música, recuperando sons esquecidos e dando nova vida a instrumentos que se perderon co tempo.

Durante a actuación, Cupeiro estará acompañado por un cuarteto de corda, que crea pontes entre culturas e épocas, enriquecendo a experiencia musical.

O espectáculo mergúllanos nun universo de timbres ancestrais mediante instrumentos como o karnyx celta ou a corna galega, combinando tradición e modernidade para evocar paisaxes naturais e emocións universais.