Abre o prazo de inscrición para as actividades do Club Fluvial de Mosteiro, en Outeiro de Rei
O Concello de Outeiro de Rei abre hoxe, luns 19 de outubro, o prazo de inscrición para participar nas actividades que se desenvolverán no Club Fluvial de Mosteiro, dirixidas ás persoas empadroadas no municipio.
A programación inclúe diferentes propostas deportivas e de lecer destinadas a distintos grupos de idade, co obxectivo de fomentar a práctica de actividade física e ofrecer alternativas para o tempo libre.
Entre as actividades ofertadas atópase a Oficina de Información Xuvenil, así como cursos de pádel para nenos e nenas de 5 a 7 anos, de 8 a 13 anos, para mozos e mozas de 14 a 18 anos e para persoas adultas.
A oferta deportiva complétase con dous cursos de natación para adultos, ximnasia na auga e dous cursos de natación infantil.
O prazo de inscrición permanecerá aberto do 19 ao 30 de outubro, ambos os dous incluídos, ou ata cubrir as prazas dispoñibles. Estas asignaranse por rigorosa orde de solicitude.
As persoas interesadas deberán formalizar a inscrición na Casa da Cultura de Outeiro de Rei, en horario de 10:00 a 14:30 horas. Para máis información, poden chamar ao teléfono 982 39 34 08.
