Álex Lizancos pecha a súa etapa no CD Lugo tras ser traspasado ao Burgos CF
O Club Deportivo Lugo e o Burgos CF chegaron a un acordo para o traspaso do futbolista Alejandro Lizancos, que pon así fin á súa etapa na entidade albivermella.
O defensa, natural de Granada, incorporárase ao club no verán de 2023 para formar parte do filial, mais a súa evolución e rendemento permitíronlle debutar co primeiro equipo xa na súa primeira tempada.
Na campaña 2024/25, Lizancos pasou a integrarse na primeira plantilla a todos os efectos, consolidándose como unha peza esencial no esquema de xogo do equipo. Ao longo da tempada, disputou máis de 3.000 minutos repartidos en 37 encontros oficiais, converténdose nun dos futbolistas máis importantes do vestiario albivermello.
A pesar da súa mocidade, Alejandro Lizancos destacou pola súa personalidade, liderado e compromiso desde o primeiro día, consolidándose como unha figura respectada dentro e fóra do terreo de xogo.
Desde o Club Deportivo Lugo queren trasladarlle o seu máis sincero agradecemento pola profesionalidade, esforzo e dedicación demostrados durante a súa estadía no club, ademais de desexarlle os maiores éxitos na súa nova etapa tanto a nivel profesional como persoal.