Deportes

Xunto a el incorporarase Diego Seoane como segundo adestrador

O Club Deportivo Lugo anunciou este luns o nomeamento de Álex Ortiz como novo adestrador do primeiro equipo. Ortiz, que viña dirixindo ao filial albivermello, asume o reto de liderar ao equipo nunha fase decisiva da tempada.

Xunto a el incorporarase Diego Seoane como segundo adestrador. Con pasado no CD Lugo como xogador e unha ampla traxectoria en distintos vestiarios, Seoane achegará o seu coñecemento do club e do entorno para reforzar o cadro técnico.

Desde a entidade lucense quixeron agradecer publicamente o compromiso de ambos adestradores e desexarlles o maior dos éxitos nesta nova etapa á fronte do primeiro equipo.