Alfredo Llano quere crear un espazo público nos terreos detrás da Capitanía Marítima
O alcalde burelés, Alfredo Llano, aposta por asinar un convenio con Portos para crear un espazo público nos terreos situados detrás da Capitanía Marítima. Así llo expuxo nas últimas horas aos responsables deste ente cos que se reuniu en Lugo.
O rexedor explicou que “hai un espazo que queremos aproveitar aquí, que está detrás da Capitanía Marítima, que é de Portos. É un espazo amplo que xa pretendíamos, hai tempo, xestionalo e facer algún convenio, a través de Portos e o Concello, para crear un espazo público naquela zona con xardiñeiría e xogos infantís, ou ben con outra capacidade para o entretemento ou aproveitamento social”.
Llano engadiu engadiu que “é algo que plantexamos pero, se non é posible chegar a un convenio, que polo menos arranxemos aquela zona e cambiemos a fachada para darlle outro aspecto, que agora mesmo necesita”.