Alta participación das Escolas Deportivas de Lourenzá no Campionato Galego de Atletismo
As Escolas Deportivas de Lourenzá estiveron na cita autonómica do Campionato Galego de Atletismo. Así, a pesar de levar pouco tempo adestrando os atletas laurenteino demostraron unha vez máis a súa capacidade de sacrificio e superación.
Pero o importante era estar presentes, poñendo en acción todas as medidas sanitarias posibles dentro da nova normalidade nunhos campionatos distintos pero sempre esixentes. É por isto que todos se merecen un recoñecemento e tamén dos que por distintos motivos non puideron estar.
Os participantes e as súas marcas foron Fer Vallines, Campión autonómico en Peso: 13,82; Manu Rodríguez, subcampión autonómico en Triplo: 11,86; Alberto Ratoeira, 6º en 300 e 7º en lonxitude; Iria Otero, 5ª en 3000; Carmen García, 6ª en altura e 4ª 300 vallados final b; Miguel Fernández, 6º en 80; Julia Fernández 4ª final C80 e 4ª final b150; Iria Rodríguez, 6ª en 1000; e Lurdes García, 8ª en 3000.