Deportes

O segundo posto foi para Juan Carlos Rodríguez González, con Fofito, mentres que David González Revaldería, con Isa de Volteiro, rematou na terceira posición

Os representantes da Sociedade de Caza Terra Chá tiveron unha destacada actuación no Campionato Provincial de Lugo de Caza Menor con Can, organizado pola Federación Galega de Caza en Lugo e celebrado no Tecor Terra Chá, no municipio de Castro de Rei.

Antonio González Álvarez, coa cadela Una de Pasarín, acadou a primeira posición na competición. O segundo posto foi para Juan Carlos Rodríguez González, con Fofito, mentres que David González Revaldería, con Isa de Volteiro, rematou na terceira posición.

A clasificación completárona Bernardo Traseira Rois, con Puebla de la Copeane, no cuarto posto, e Rogelio Gómez Rodríguez, con Sala I de Bosende, no quinto lugar.

Desde a Sociedade de Caza Terra Chá felicitaron todos os seus socios e representantes pola actuación na proba, con especial recoñecemento para o gañador e os clasificados para o Campionato Galego da modalidade. A entidade tamén destacou a deportividade amosada polos seus competidores ao longo da xornada.

A competición estivo organizada pola Federación Galega de Caza en Lugo, coa colaboración da Sociedade de Caza Terra Chá, e reuniu cazadores acompañados dos seus cans nunha xornada dedicada a esta modalidade cinexética.