Sociedade

María Pilar García Negro afondará na figura do intelectual galego e no seu papel na historia contemporánea de Galicia o vindeiro xoves 29 de outubro

A Asociación Veciñal As Carballeiras organiza unha conferencia sobre Ricardo Carvalho Calero que terá lugar o vindeiro xoves 29 de outubro no Centro Social de Fingoi, en Lugo. A actividade comezará ás 19:30 horas e estará aberta ao público interesado.

A charla levará por título "Ricardo Carvalho Calero na historia da Galiza contemporánea" e será impartida por María Pilar García Negro, que abordará a traxectoria e a relevancia deste intelectual galego no contexto histórico contemporáneo.

Con esta iniciativa, a entidade veciñal promove unha actividade cultural centrada nunha das figuras destacadas da cultura galega, co obxectivo de afondar no seu legado e achegar a súa obra e pensamento á cidadanía.