Auxilia Lugo organiza unha tarde de baile, convivencia e lecer xunto á Escola Ritmo
A delegación lucense de Auxilia organiza o próximo luns 25 de maio unha nova actividade de convivencia e lecer destinada a compartir unha tarde de música, movemento e diversión en compañía.
A iniciativa desenvolverase en colaboración coa Escola Ritmo, que participará cunha pequena actividade de baile dirixida ás persoas asistentes. A xornada incluirá tamén merenda e diferentes dinámicas pensadas para fomentar a participación e o encontro entre as persoas participantes.
A actividade terá lugar na Casa Clara Campoamor entre as 16:30 e as 18:00 horas.
Desde Auxilia Lugo explican que a proposta busca crear un espazo para compartir, moverse e desfrutar en grupo nun ambiente inclusivo e participativo. As inscricións permanecerán abertas ata o xoves 21 de maio.