Auxilia Lugo organizou unha xornada de convivencia na natureza con visitas a Avifauna, Terra Nublar e Marcelle
Auxilia Lugo celebrou o pasado domingo 18 unha excursión que combinou natureza, ocio e convivencia con visitas a distintos espazos da provincia.
A xornada comezou en Avifauna, onde os participantes puideron coñecer a variedade de especies de aves que alberga este centro. A continuación, desprazáronse ata Terra Nublar para vivir unha aventura ambientada no mundo xurásico.
Despois da visita, o grupo compartiu un xantar no restaurante La Finca antes de continuar a ruta cara a Marcelle. Alí tiveron a oportunidade de observar diferentes animais, entre eles osos pardos, e coñecer outras especies.
A actividade foi posible grazas á colaboración da Deputación de Lugo. Tanto a xunta directiva de Auxilia Lugo, coa súa delegada, Nuria Neira, á fronte, como os usuarios participantes agradeceron o apoio da institución provincial, que lles permitiu desfrutar dunha xornada de convivencia e lecer.