AVA solicita a apertura á visita pública da fortaleza de Amarante
Alternativa Veciñal de Antas de Ulla solicitou á Dirección Xeral de Patrimonio a declaración BIC da fortaleza de Amarante baixo a nova Lei de Patrimonio para que poida ser efectiva a súa apertura á visita pública.
En xuño do ano pasado, AVA xa dirixira un escrito á Dirección Xeral de Patrimonio para que se lle solicitara aos propietarios da fortaleza de Amarante que procederan á apertura pública de devandito BIC declarado como tal pola Lei de Patrimonio de 1985. No mes de marzo deste mesmo ano, a Dirección Xeral de Patrimonio indicou que, se ben efectivamente este ben inmoble xa goza da condición de BIC, a súa declaración ten que actualizarse según a actual Lei 5/2016 de Patrimonio Cultural de Galicia.
Por esta razón, AVA abriu de novo, neste mes, un expediente de incoacción para a declaración BIC da fortaleza baixo o paraugas da nova Lei e indica explicitamente que, trala súa ratificación coma BIC, se proceda a solicitar aos propietarios a apertura á visita pública da fortaleza de Amarante, tal e como marca a actual Lei de Patrimonio Cultural de Galicia.