Barredo celebrará as súas festas na honra de San Antonio o 13 de xuño
A parroquia de Barredo, no concello de Castroverde, celebrará o vindeiro 13 de xuño as súas festas na honra de San Antonio cun programa que combinará tradición relixiosa e actividades musicais ao longo de toda a xornada.
Os actos comezarán ás 13:30 horas coa misa solemne, seguida da procesión e dunha sesión vermú que estará amenizada pola orquestra Dinastía. A programación continuará durante a tarde cun tardeo musical a cargo do DJ Cendoi, que se encargará de animar aos asistentes antes do inicio da verbena.
Xa pola noite, a festa continuará cunha gran verbena que contará coa participación da orquestra Dinastía e do propio DJ Cendoi, que compartirán escenario para ofrecer varias horas de música e entretemento.
A celebración, organizada coa colaboración de veciños, patrocinadores e establecementos da zona, volverá converter Barredo nun punto de encontro para residentes e visitantes, nunha das citas festivas máis destacadas do inicio do verán no municipio de Castroverde.