Caborrecelle celebrará en maio de 2026 as súas festas na honra a San Xulián con música, procesións e churrascada
A parroquia de Caborrecelle, no municipio de Portomarín, celebrará os vindeiros días 16, 17 e 23 de maio de 2026 as súas tradicionais festas na honra a San Xulián, cun programa que combinará actos relixiosos, sesións vermú e verbenas musicais.
As celebracións comezarán o sábado 16 de maio cunha misa solemne ás 13.00 horas, seguida de procesión. A continuación terá lugar a sesión vermú, organizada pola Asociación Cultural Río Miño de Portomarín. Xa pola noite, a partir das 23.00 horas, a verbena estará amenizada polo grupo Alba.
O domingo 17 de maio continuará a programación festiva cunha nova misa solemne e procesión ás 13.00 horas. Posteriormente celebrarase a sesión vermú, que contará coa actuación do grupo musical Os Sureños.
A programación concluirá o sábado 23 de maio cunha churrascada popular prevista para as 22.00 horas, que estará amenizada polo dúo Son de Festa.