Sociedade

O CPI Plurilingüe de Castroverde celebrará o acto o vindeiro 28 de maio ás 16.00 horas cunha mostra de imaxes do ceo nocturno captadas en lugares con baixa contaminación lumínica

O CPI Plurilingüe de Castroverde será escenario o próximo xoves, 28 de maio de 2026, ás 16.00 horas, da presentación do libro Cousas do Ceo, da autora Ana María Pérez Veiga.

A publicación reúne imaxes do ceo nocturno captadas desde Castroverde e outros lugares privilexiados pola súa baixa contaminación lumínica. A través destas fotografías, o libro busca descubrir a beleza do Universo desde a contorna máis próxima e poñer en valor a calidade dos ceos nocturnos.

O acto celebrarase no propio centro educativo e contará con entrada libre ata completar o aforo. A iniciativa conta coa colaboración da Vicepresidencia da Deputación de Lugo, a través da área de Cultura.