Castroverde inicia en outubro un novo curso de costura no Centro Social Paco Pestana
O Centro Social Paco Pestana de Castroverde acollerá a partir do próximo 6 de outubro un novo curso de costura organizado pola modista e profesional autónoma Marisa Freire, coa colaboración do Concello de Castroverde.
A actividade está dirixida a persoas interesadas en iniciarse ou ampliar os seus coñecementos no ámbito da corte e confección, cunha proposta centrada na aprendizaxe práctica e no desenvolvemento de habilidades relacionadas coa costura.
As clases desenvolveranse todos os martes, de 16.00 a 19.00 horas, nas instalacións do Centro Social Paco Pestana e o curso estará impartido pola propia Marisa Freire, profesora de Corte e Confección a través do Sistema Martí, que será tamén a responsable da organización da actividade.
A proposta permitirá á veciñanza achegarse ao mundo da costura nunha actividade de carácter formativo que combina técnicas de corte e confección co traballo práctico. As persoas interesadas en obter máis información sobre o curso poden contactar directamente con Marisa Freire no teléfono 639 728 129.