Convocada unha nova edición do concurso escolar Rosalía sempre viva
![casa museo manuel maria](https://lugoxa.com/wp-content/uploads/2021/09/casa-museo-manuel-maria.jpg)
A Casa-Museo Manuel María vén de convocar unha nova edición do Concurso escolar de recitado poético Rosalía sempre viva; retomando, así, unha actividade, que tiña un altísimo éxito de participación entre o alumnado de toda a xeografía galega, despois de dous anos que non se puido celebrar pola situación socio-sanitaria vivida pola covid-19.
Centrado no recitado de versos da obra en galego de Rosalía ou da ampla produción poética de Manuel María, o concurso escolar, dirixido a todo o alumnado de ensino non universitario, ten como obxectivo potenciar a expresión oral e a creatividade do alumnado a través do coñecemento e o recitado da poesia de dúas das voces máis importantes e populares da literatura galega.
O 3 de febreiro é a data límite para que os centros educativos se inscriban no certame e a fase final celebrarase no auditorio da Casa-Museo Manuel María o sábado 19 de marzo de 2022.
As bases pódense ver nesta ligazón