Derradeiro Mércores de Natureza no Concello do Vicedo
Continuando coa programación de natureza do Concello do Vicedo, este mercores 26 será a derradeira actividade prevista para este verán 2020.
Trátase da baixada do río Sor en kayaks no tramo que discorre entre a Ponte de Ribeiras do Sor e o Porto do Vicedo. Ao longo do presente enclave natural poderanse observar diferentes puntos de interese como as aldeas de San Fiz, Creximil, Morgallón, a insua de San Martiño, as tres ponte sobre o Sor, a praia de Chamadoiro e Arealonga, a Pena Furada e os respectivos pobos de O Barqueiro e o Vicedo.
O punto de encontro será o Porto do Vicedo ás 10.30 horas da mañá para desprazarse en furgonetas da empresa Actividades Estaca cara Ribeiras do Sor.
A actividade ten un prezo de 17 euros por persoa que se pagarán no momento de embarcar e en efectivo aos monitores de actividades Estaca.
Esta actividade cumple con todos os requisitos propostos polas autoridades sanitarias, limitando a 20 persoas a súa participación polo que se pedirá previa anotación no número 982 590 195.