Fontiñas conta xa cunha nova mediana no cruce co Carril dos Indios
A ronda das Fontiñas conta cunha nova mediana situada á altura do cruce desta rúa co Carril dos Indios. Rubén Arroxo explicou que “este cruce anulouse de xeito temporal cando comezou a construcción da rotonda de San Eufrasio, e agora demos unha solución definitiva a este tramo”.
Os traballos executados o Goberno de Lugo deron continuidade á actual mediana de Fontiñas, ampliando o treito peonil e as zonas verdes. Ademais, habilitáronse novas prazas de estacionamento. Arroxo explicou que “o conxunto da contorna mellora a accesibilidade e todo o treito contará cunha estética uniforme”.
Arroxo destacou aredución de accidentes na confluencia de Fontiñas con San Eufrasio grazas á construción e iluminación da nova rotonda "esta infraestrutura sen dúbida axiliza o tráfico e fai que en Fontiñas se reduzan os atascos". Os accidentes reducironse case ao 100% na confluencia de Fontiñas con San Eufrasio dende a construcción da rotonda.