Deportes

A Pista Municipal de Guntín reunirá durante varios días aos participantes nunha competición deportiva con premios para os finalistas e agasallos para todos os inscritos

A Pista Municipal de Guntín acollerá do 31 de agosto ao 5 de setembro unha nova cita deportiva co Torneo de Pádel Guntín, unha competición que permitirá aos participantes combinar deporte, competición e convivencia.

Os partidos celebraranse desde o luns 31 de agosto ata o venres 4 de setembro, en horario de 19.30 a 23.30 horas. A final terá lugar o sábado 5 de setembro.

O torneo contará cunha categoría única e as persoas interesadas en participar poderán formalizar a súa inscrición ata o 29 de agosto.

A organización entregará premios aos finalistas e ofrecerá tamén agasallos para todos os participantes, co obxectivo de completar unha xornada deportiva aberta á participación e ao desfrute.