Eventos

A programación inclúe unha festa para os máis pequenos pola tarde e unha verbena nocturna coa orquestra Panorama e os DJs Casanova e Marcos Magán

O Concello de Guntín organiza a V Festa da Xuventude, que se celebrará o mércores 22 de xullo cunha programación pensada para todos os públicos e na que a música volverá ser a gran protagonista.

A xornada arrancará ás 18.00 horas cunha festa infantil a cargo de Total Sport, que ofrecerá diferentes actividades de lecer para os máis pequenos.

Xa pola noite, a partir das 23.30 horas, dará comezo a verbena, encabezada pola orquestra Panorama, unha das formacións máis recoñecidas do panorama musical galego. A festa completarase coa actuación dos DJ Casanova e DJ Marcos Magán, que prolongarán o ambiente festivo ata a madrugada.

A V Festa da Xuventude conta coa colaboración do Concello de Guntín e busca consolidarse como unha das citas destacadas do verán no municipio, reunindo actividades para a infancia e unha ampla oferta musical para o público xuvenil e adulto.