Instalan catro novas marquesinas para o bus urbano

LugoXa
Rubén Arroxo anuncia a instalación de catro novas marquesinas para o bus urbano cun investimento total de 6.540,98€
Marquesinas Ruben Arroxo portada
Marquesinas Ruben Arroxo portada
28 nov 2022

O Goberno de Lugo vén de adquirir novas marquesinas para o bus urbano así o anunciou o tenente Alcalde e concelleiro de Mobilidade, Rubén Arroxo. Arroxo explicou que “continuamos a mellorar o servizo de transporte público, atendendo ás solicitudes que nos chegaron por parte da veciñanza reclamando novas marquesinas en distintas zonas da cidade”.

O Goberno de Lugo adquiriu 4 novas marquesinas, que supuxeron un investimento de 6.540,98€. As novas marquesinas instalaranse nas paradas situadas nas rúas Industria e A, nos polígonos do Ceao e das Gándaras, ademais de instalarse tamén en Xosé Castiñeira, fronte ao conservatorio e na estrada nova de Santiago.

“Continuamos a traballar na mellora e ampliación do mobiliario urbano, escoitando as solicitudes da veciñanza e traballando para mellorar a imaxe da cidade”, afirmou Rubén Arroxo, que engadiu “continuamos avanzando de cara a unha mobilidade máis ecolóxica na que a xente aposte polo transporte urbano no canto de usar o vehículo privado”.

Ruben arroxo bus