Italia e Francia confirman a súa presenza na Exfilna 2021 de Lugo
A Sociedade Filatélica Lucense recibiu as confirmacións das organizacións filatélicas de Francia e Italia polas que confirman a súa asistencia á Exfilna 2021, que terá lugar na nosa cidade en outubro deste ano.
Cada ano convídase a dous países á Exfilna, e os países foron elixidos para ser convidados pola súa vinculación coa cidade ou coa temática desta Exposición. Desde a Sociedade Filatélica Lucense propúxose un enfoque relacionado co Camiño de Santiago e moi centrado en Lugo.
Francia é o inicio de varias dos roteiros do Camiño, sendo a máis importante de todas elas por volume de peregrinos o denominado Camiño Francés. O Códice Calixtino, considerada a primeira guía de viaxes do mundo, describe os roteiros en Francia e España.
Italia foi convidada pola vinculación da cidade co seu pasado romano. Lugo foi fundado por Paulo Fabio Máximo, legado de César Augusto, e queremos recalcar a importancia de lembrar esta herdanza como xa se fai na popular festa do ArdeLucus.
