Leti da Taberna leva o humor e a retranca de 'Enredadas no Camiño' a Castroverde
LugoXa
O espectáculo da creadora e comediante galega celebrarase este sábado, 3 de outubro, ás 19:00 horas no Centro Sociocultural Paco Pestana, con entrada de balde
1 Oct 2026
O Centro Sociocultural Paco Pestana de Castroverde acollerá este sábado, 3 de outubro, o espectáculo 'Enredadas no Camiño', protagonizado pola creadora e comediante galega Leti da Taberna.
A actuación, que dará comezo ás 19:00 horas, combinará humor e retranca nunha proposta que afonda nas historias e experiencias vinculadas ao Camiño de Santiago.
A iniciativa, gratuíta, ofrecerá ao público a oportunidade de gozar dunha tarde diferente a través da mirada humorística de Leti da Taberna, que achegará as súas vivencias e reflexións arredor do Camiño nun espectáculo que mestura comedia e identidade galega.