Lugo Monumental traslada ao novo goberno local local as principais necesidades do casco histórico
Lugo Monumental presentou á nova alcaldesa de Lugo, Elena Candia, un documento no que resume as principais necesidades do casco histórico da cidade, un texto de 16 páxinas no que aborda cuestións que a entidade leva tempo reclamando para mellorar a situación da zona.
Entre os asuntos destacados figuran a reforma do PEPRI, o futuro da Zona de Baixas Emisións (ZBE), a situación da estación de autobuses, así como a praza de abastos e o mercado municipal. O colectivo tamén pon o foco noutros temas que, aínda que teñen menor presenza mediática na actualidade, consideran relevantes para a actividade económica e comercial do centro histórico.
Neste sentido, Lugo Monumental inclúe propostas relacionadas coa seguridade, a promoción da zona, as normativas sobre terrazas e celebracións no centro urbano, ademais do mobiliario urbano e outros aspectos vinculados á imaxe e funcionalidade do casco histórico.
Desde a asociación explican que o documento foi elaborado seguindo o sistema interno de funcionamento da entidade, baseado na participación directa dos asociados. Segundo sinalan, todos os posicionamentos, comunicados e propostas son previamente compartidos cos membros da organización para o seu estudo, debate e posterior votación.
A entidade subliña que este método permite que os seus posicionamentos respondan ao sentir maioritario dos asociados e non exclusivamente á opinión da directiva. Ademais, reivindican o carácter independente da organización, destacando que a súa política de non depender de subvencións públicas lles permite manter unha posición crítica, plural e autónoma.