Lugo por Palestina presenta unha moción para o Pleno con medidas contra o estado israelí
A Plataforma Lugo por Palestina presentou en Rexistro no Concello de Lugo unha proposición de moción en condena do "xenocidio" cometido por Israel contra a poboación palestina.
Os membros do colectivo entrevistáronse con responsables do equipo de goberno do BNG, que acordaron presentala para levala a pleno. Agora esperan unha resposta do PSOE, ao que tamén informaron sobre esta moción.
Na moción solicítase esixir o fin do conflito e que se obrigue a Israel a cumprir as resolucións de Nación Unidas e a ruptura de relacións diplomáticas con Israel. Entre outras medidas, reclaman ao Estado a fin do comercio de armas con Israel, o procesamento do Netanyahu e o seu goberno ou o recoñecemento de Palestina como estado independente.
Á Xunta piden que se prohiba ao CIAR de Rozas a certificación de naves non tripuladas israelíes e no Concello queren que luza a bandeira palestina mentres dure o conflito.
Consulta o contido da moción neste enlace.