María José Gómez presenta a candidatura do PP á Alcaldía de Guntín

LugoXa
O presidente do PPdeG, Alfonso Rueda asistiu á presentación da candidatura coa que o PP de Guntín concorre ás eleccións municipais.
MARIA JOSE GOMEZ ALCALDESA GUNTIN ALFONSO RUEDA
MARIA JOSE GOMEZ ALCALDESA GUNTIN ALFONSO RUEDA
1 Maio 2023

O presidente do PPdeG, Alfonso Rueda asistiu á presentación da candidatura coa que o PP de Guntín concorre ás eleccións municipais e ao que asistiron máis de 300 persoas.

Rueda amosouse convencido de que, con María José Gómez como alcaldesa, o vindeiro 28 de maio Guntín “será máis azul e máis popular que nunca” porque “as cousas fixéronse ben e así seguirán facéndose”.

“Hai catro anos as cousas fixéronse especialmente ben cando Jesús Carreira soubo facer un relevo gañador”, afirmou agradecendo ao exalcalde e presidente de honra do PP de Guntín a súa labor durante case tres décadas.

Sobre a candidata, asegurou que “María José é unha muller todo terreo que é alcaldesa, mestra, nai e por enriba de todo unha namorada de Guntín” e que por iso merece seguir recibindo o apoio dos seus veciños.

Alfonso Rueda puxo a Guntín como exemplo dese rural galego que, sen perder as súas tradicións e sen renunciar ao seu pasado, sempre mira ao futuro e aposta por mellorar a calidade de vida dos seus veciños.

“Desde a Xunta estamos facendo moitas cousas e faremos aínda máis da man de María José para que en Guntín siga vivíndose ben e se poida vivir mellor se cabe”, engadiu ao tempo que poñía en valor o coñecemento e a xestión da candidata e actual alcaldesa.

Sobre a romaría popular organizada onte no Pino, o líder do PPdeG contrapuxo que mentres Alberto Núñez Feijóo está sempre arroupado e rodeado de xente cando vén a Galicia, Pedro Sánchez “ten que entrar pola porta de atrás”.

Nesta liña, pediulle ao presidente do Goberno máis “responsabilidade” cando pensa que Galicia “non paga a pena” e cando se sorprende de que Alberto Núñez Feijóo fose presidente do Goberno galego durante máis dunha década: “Que veña a Galicia e a sitios como Guntín para entendelo e ver o apoio que ten o PP”.

MARÍA JOSÉ GÓMEZ

A candidata puxo en valor ao seu equipo, que considera “representativo da realidade do municipio” e no que ten un peso importante, ao igual que en Guntín, o sector gandeiro: 9 membros da lista son titulares de explotacións e a propia Maria José Gómez ten unha gandaría de leite.

Asegurou que se trata dunha lista pensada para gobernar e para traballar por e para Guntín con experiencia, ganas, enerxía, honestidade e humildade.

“Comprometémonos a seguir gobernando na liña na que temos traballado estes catro anos pero, se cabe, con máis experiencia, chegando a cada veciño, escoitando as súas necesidades e apostando por seguir mellorando as condicións de vida no rural”, engadiu.

Entre os obxectivos do seu programa atópanse seguir mellorando as infraestruturas e os servizos no ámbito social, así como apostar polo emprego, a cultura, o deporte e as actividades de ocio e tempo libre.

LISTA COMPLETA DO PP DE GUNTÍN

  1. María José Gómez Rodríguez (Pradedo de Abaixo)
  2. Verónica Vilela Coto (Entrambasaguas)
  3. Vidal López Rodríguez (Pradedo de Arriba)
  4. Olga López García (Mosteiro)
  5. José Vázquez Barreiro (Santa María de Ferrol)
  6. Teresa Estévez López (Pradeda)
  7. José Luis López Fernández (Mougán)
  8. Juan Carlos López López (Santiago de Ferroi)
  9. Ángel Pérez Rodríguez (Santa Cruz da Retorta)
  10. José Alberto López Quiroga (Castelo)
  11. María Lamazares Álvarez (Lamela)

SUPLENTES

  • José Manuel Rodríguez García (Piñeiras)
  • María Begoña Pérez López (O Picato)
  • Alejandro González Barrio (Entrambasaguas)
  • Antonio Rodríguez Gandoy (Grolos)
  • José Manuel Blanco Santos (Vilameá)
0.2081880569458