Mazaille, en Baralla, celebra a súa festa o 6 de setembro con música, gastronomía e actividades
A parroquia de Mazaille, no municipio de Baralla, vivirá o sábado 6 de setembro unha intensa xornada festiva que combinará música, gastronomía e tradición.
As actividades comezarán ás 13:30 horas cunha sesión vermú a cargo de Airiños do Neira, seguida da actuación do grupo Punto Clave ás 14:00 horas.
Tamén estará o artesán Eugenio Linares, que ofrecerá unha exhibición de tallas en madeira realizadas con motoserra, e o público poderá gozar dunha degustación de xamón de porco celta.
Pola tarde, a partir das 21:00 horas, o escenario acollerá a sesión musical de Dani Pardo, antes da churrascada popular gratuíta prevista para as 22:00 horas, para a que é necesaria reserva previa antes do 4 de setembro.
A xornada culminará ás 00:00 horas coa verbena a cargo do grupo Punto Clave e o Trío Merengue, baixo unha carpa instalada no campo cuberto para garantir o desfrute da festa independentemente das condicións meteorolóxicas.