Monterroso impulsa actividades de verán para nenos e nenas entre o 22 de xuño e o 4 de setembro
O Concello de Monterroso organiza unhas actividades de verán dirixidas á infancia que se desenvolverán entre o 22 de xuño e o 4 de setembro, cunha oferta pensada para favorecer a conciliación familiar e o ocio educativo durante as vacacións escolares.
O programa inclúe unha ocioteca para idades correspondentes a infantil e un campamento destinado a nenos e nenas de primaria, con actividades adaptadas a cada grupo de idade.
O horario será de 8:30 a 14:30 horas e as actividades serán totalmente gratuítas. As familias deberán realizar a preinscrición entre o 11 e o 15 de maio, en horario de 15:30 a 19:30 horas.
Entre o material obrigatorio que deberán levar os participantes inclúense gorra, auga e merenda saudable.
A iniciativa está impulsada polo Concello de Monterroso, no marco do programa Corresponsables, co apoio do Goberno de España e da Xunta de Galicia a través da Consellería de Política Social e Igualdade.