O 24 de outubro celébrase a XVII Carreira Popular e Andaina Concello do Corgo Memorial Quique Casanova
A praia fluvial do río Chamoso, no Corgo, acollerá o vindeiro 24 de outubro a XVII Carreira Popular e Andaina Concello do Corgo Memorial Quique Casanova, unha cita deportiva que reunirá participantes de diferentes idades nunha xornada con percorridos adaptados ás distintas categorías.
As persoas interesadas en participar poderán formalizar a súa inscrición ata o 20 de outubro a través de CCNORTE.COM. A programación comezará ás 16.30 horas coa andaina para nenos e adultos, cun percorrido de 9 quilómetros.
As probas infantís arrancarán ás 17.00 horas coa categoría Pitufos, destinada a nenas e nenos nacidos en 2020 e posteriores, que percorrerán 150 metros. Ás 17.05 horas será a quenda da categoría Promoción, para participantes nacidos entre 2017 e 2019, cunha distancia de 500 metros.
A categoría Sub12, para os anos 2015 e 2016, terá a súa saída ás 17.10 horas e contará cun percorrido de 1,1 quilómetros. Cinco minutos despois, ás 17.20 horas, será a quenda das categorías Sub14, para os anos 2013 e 2014, e Xuvenil, para participantes nacidos entre 2009 e 2012, cun percorrido de 2,2 quilómetros.
A última das probas será a de adultos, para participantes nacidos en 2008 e anteriores, que dará comezo ás 17.35 horas cun percorrido de 10,5 quilómetros.
A organización agradece a colaboración e os patrocinios que fan posible unha nova edición desta cita deportiva no municipio do Corgo.