O CD Lugo configura o novo equipo técnico para a tempada 2025/26
O Club Deportivo Lugo presentou a composición definitiva do corpo técnico que acompañará a Yago Iglesias ao longo da tempada 2025/26, nunha estrutura que combina novas incorporacións con profesionais que continúan o labor desenvolvido nos últimos anos.
Nesta nova etapa, Iglesias contará coa colaboración de Álex Otero como segundo adestrador, Jonatan Fernández como preparador físico e Adrián Docampo no rol de analista, incorporándose estes tres perfís como principais novidades respecto ao organigrama anterior.
O equipo de traballo quedará configurado do seguinte xeito: Yago Iglesias como primeiro adestrador, Álex Otero como segundo adestrador, Jonatan Fernández como preparador físico, Fernando Currás como adestrador de porteiros, Adrián Docampo como analista, Iñaki Fernández, Daniel Xesús García e Nicolás López (este último durante a pretempada) como fisioterapeutas, Roberto Díaz Luaces como médico, Manolo Couso como utillleiro e José Luis Corral como delegado.
O club aposta así por un equilibrio entre continuidade e renovación para afrontar o novo curso cun equipo técnico consolidado e comprometido.