O CD Lugo promove unha acción social con xogadores do primeiro equipo na tenda oficial
O Club Deportivo Lugo levou a cabo unha nova iniciativa social coa presenza dos xogadores do primeiro equipo Lago Júnior e Jorge González, que acudiron á CDLUStore, a tenda oficial do conxunto albivermello, para compartir un encontro cos seus seareiros.
Durante a xornada, os futbolistas estiveron asinando camisetas e repartindo autógrafos a todas as persoas que se achegaron ata o establecemento, creando un espazo de proximidade entre o club e a súa afección.
Máis de cincuenta nenos e nenas tiveron a oportunidade de coñecer de preto aos seus ídolos, ao tempo que outros veciños da cidade aproveitaron a ocasión para renovar o seu carné de afiliado, animarse a facerse socios ou levar unha das novas equipacións do equipo.
Desde a entidade valoran moi positivamente esta actividade, que cualifican como unha experiencia enriquecedora tanto para xogadores como para seareiros, e avanzan a súa intención de repetir este tipo de encontros no futuro.