O club de billar Adai programa o seu tradicional torneo de nadal
LugoXa
Haberá premios para os campións, subcampións e para os semifinalistas
24 Out 2024
O club de billar Adai programa o seu tradicional torneo de nadal. A IV edición do Torneo de Nadal Parellas Escocesas Club de Billar Adai terá lugar o sábado 14 de decembro nunha xornada para desfrutar do deporte e dun festivo xantar todos xuntos. Será en modalidade bola-9 a 6 gañadas e a participación está limitada a un máximo de 24 parellas. A data límite de inscrición é o luns 9 de decembro ás 12.00 horas.
Haberá premios para os campións, subcampións e para os semifinalistas. A Vicepresidencia da Deputación de Lugo colabora coa proposta. Dende a organización lembran que un dos integrantes da parella debera aboar tanto a inscrición do torneo como do xantar a través de transferencia bancaria á conta do club.