O Club Deportivo Lugo promove unha campaña solidaria para apoiar o proxecto Murallalandia do HULA
O Club Deportivo Lugo promove unha campaña solidaria ao destinar a recadación íntegra do partido do domingo ao proxecto Murallalandia, un parque infantil que se instalará na área de Pediatría do Hospital Universitario Lucus Augusti (HULA).
Murallalandia busca mellorar a estancia dos nenos hospitalizados a través do xogo e da aprendizaxe, cunha temática inspirada na Muralla Romana de Lugo. Este espazo lúdico e educativo contribuirá á humanización do hospital, ofrecendo un entorno accesible e acolledor para os máis pequenos e as súas familias.
Para fomentar a participación da afección e da cidadanía nesta iniciativa solidaria, o club reduciu o prezo das entradas para o encontro do domingo, ás 15:30 horas, no que o Club Deportivo Lugo enfróntase á Gimnástica Segoviana no estadio Anxo Carro.
Os prezos serán de 2 euros para menores de 14 anos, 5 euros para menores de 18 e 10 euros para adultos, podendo colaborar tamén aquelas persoas que non poidan asistir ao partido a través da Fila 0.
O club anima a todos os lucenses a sumarse a esta causa, enchendo o Anxo Carro e contribuíndo a facer realidade Murallalandia, un proxecto que mellorará a calidade de vida dos nenos hospitalizados no HULA.