O Club Deportivo Lugo visitou colexios e repartiu invitacións para o partido do domingo
O Club Deportivo Lugo levou a cabo unha visita a varios centros escolares da cidade co obxectivo de coñecer aos máis pequenos e convidalos ao partido que disputará o primeiro equipo no estadio Anxo Carro fronte ao Sestao River o próximo domingo ás 16:00 horas.
Xogadores do equipo, xunto con técnicos e outros membros do club, tiveron a oportunidade de charlar cos nenos e nenas dos colexios lucenses, creando un ambiente cercano e amigable.
Durante esta actividade, o Club repartiu invitacións nunha ampla lista de centros educativos: María Auxiliadora, Fingoi, San José, Divino Mestre, Divina Pastora, Galén, Colexio Diocesano La Milagrosa, Colexio Franciscanos, Colexio Maristas, CPR Cervantes, CEIP As Mercedes, CEIP Paradai, CEIP As Gándaras, CEIP Rosalía de Castro, CEIP Sagrado Corazón, CEIP A Ponte, CEIP Manuel Mallo Mallo, CEIP Anexa, CEIP Illa Verde, CEIP Albeiros, CEIP Quiroga Ballesteros, CEIP Casas, Luis Pimentel e Colexio Menéndez Pelayo.
As invitacións poderán canxearse por entradas de forma gratuíta nas oficinas do estadio, e os acompañantes dos nenos e nenas que desexen asistir ao partido poderán adquirir as súas entradas a un prezo especial de 5 euros por persoa en calquera zona do estadio.
Esta acción ten como obxectivo encher as gradas do Anxo Carro e vivir todos xuntos unha tarde de fútbol e paixón albivermella, alentando aos máis novos a gozar do deporte e apoiar ao equipo nun encontro crucial para a tempada.