O colectivo de autores independentes de Lugo estreará actividade pública cunha charla na Biblioteca Provincial
O colectivo de autores independentes de Lugo celebrará o vindeiro 9 de maio a súa primeira charla aberta ao público na Biblioteca Provincial de Lugo, ás 12:00 horas, un acto co que inicia a súa actividade pública como espazo de encontro arredor da creación contemporánea.
Durante a sesión darase a coñecer a propia iniciativa do colectivo e analizaranse de maneira directa as dificultades actuais da (auto)publicación, así como os desafíos que supón a visibilidade nun contexto creativo cada vez máis amplo e competitivo.
A actividade está dirixida a calquera persoa interesada, máis alá do ámbito estritamente literario, e convida a participar tanto a creadores e creadoras como a quen teña curiosidade polos procesos de escritura, edición e difusión. Terán cabida perfís diversos, que abranguen desde a narrativa, a poesía ou o ensaio ata fanzines, fotolibros e outros formatos experimentais.
O encontro pretende consolidarse como un espazo aberto de diálogo, intercambio e reflexión accesible á comunidade, favorecendo a conexión entre distintas formas de creación e pensamento.