O Concello de Lugo convoca unha reunión veciñal para abordar o futuro do barrio do Castiñeiro
O Concello de Lugo celebrará este xoves, 23 de xullo, unha reunión informativa aberta á veciñanza do barrio do Castiñeiro co obxectivo de presentar dúas actuacións urbanísticas previstas para a zona e recoller as opinións e achegas da cidadanía.
O encontro terá lugar ás 20.00 horas no Telecentro Castiñeiro, situado na Praza Castiñeiro s/n, baixo o lema 'Falamos do futuro do Castiñeiro. A túa opinión conta!'.
Durante a reunión informarase sobre a prolongación da rúa Evaristo Correa Calderón e a eliminación do tapón urbanístico da rúa Dona Urraca, así como sobre a regularización dos espazos situados na contorna das Casas Sindicais.
Desde o Concello animan á veciñanza a participar neste encontro aberto, co propósito de dar a coñecer os proxectos previstos e favorecer a participación cidadá nas actuacións que marcarán o futuro do barrio.