Portomarín prepárase para celebrar as Festas na Honra ao Santo Cristo os días 7 e 8 de setembro
O Concello de Portomarín celebra as súas festas na honra a Santo Cristo os vindeiros días 7 e 8 de setembro cunha ampla e variada programación.
A festa comezará o día 7 ás 13.00 horas cunha misa solemne cco acompañamento da Coral Sarricanta de Sarria e posterior procesión. Logo, ás 14.00 horas terá lugar a sesión vermú coa Charanga Bicoia, que volverá actuar ás 19.00 horas. O día rematará coa verbena a partir das 23.30 horas coa orquestra Stereo e o grupo Punto Clave.
Pola súa parte, o día 8 tamén comezará cunha misa solemne ás 13.00 horas co acompañamento da Coral de Portomarín seguida de procesión. Durante a sesión vermú, será a Charanga de Paradela a encargada de poñer a música, sendo protagonista tamén ás 19.00 horas. Finalmente, as festas rematarán coa verbena a partir das 23.30 horas co Grupo Tatoo.