Sociedade

As sesións celebraranse os mércores de 20:15 a 21:15 horas na Casa da Xuventude e non é necesaria experiencia previa

O Coro Xuvenil de Lugo retoma os seus ensaios esta semana e abre a participación a mozos e mozas de entre 16 e 30 anos que teñan ganas de cantar e formar parte do proxecto musical.

As sesións terán lugar os mércores, de 20:15 a 21:15 horas, na Casa da Xuventude de Lugo. A agrupación anima a achegarse a todas aquelas persoas interesadas en probar a experiencia, xa que non é necesario contar con formación ou experiencia previa.

As persoas que queiran incorporarse poden poñerse en contacto co Coro Xuvenil de Lugo a través de mensaxe directa nas súas redes sociais para recibir información e apuntarse aos ensaios.