Axenda

O grupo representará catro obras de microteatro baixo o título “As aparencias engañan”

Este sábado, 29 de novembro, regresan as Tardes de Teatro de Ribas de Sil, que nesta ocasión contarán coa actuación do Grupo de Teatro do Hospital de Lugo, que presentará catro obras de microteatro baixo o título “As aparencias engañan”.

Este grupo leva xa 30 anos traballando no antigo Hospital de Lugo, inicialmente creando actividades para facer máis amenas as horas dos pacientes. Hoxe en día, saen dos hospitais para levar o seu teatro a diferentes concellos de Galicia, ofrecendo unha proposta que axuda a suavizar momentos difíciles na vida das persoas.

A función terá lugar no Salón de actos do Concello ás 18:00 horas.