Axenda

Catalina Grande Piñón Pequeño será o grupo que substitúa a actuación preparada por Ruxe Ruxe, que cancela o seu concerto por motivos persoais

Os organizadores da Candeloria Pista Extra veñen de anunciar que, por motivos persoais, o grupo Ruxe Ruxe non poderá actuar no evento que terá lugar o vindeiro 30 de novembro no Pazo de Feiras e Congresos de Lugo.

Porén, conseguiron que o grupo Catalina Grande Piñón Pequeño puidera acoplarse a este festival, no que actuarán con outros artistas referentes do rock, do rap, do punk internacional e do ska-punk como Non Servium, Banda Basotti, El Drogas, Machete en Boca, Brassica Rapa, Jordi Panico, Defcondos e Familia Caamagno.

A última edición da Candeloria celebrouse o 1 e 2 de marzo no Pazo de Feiras e Congresos de Lugo, chegando ao seu décimo aniversario. Actuaron Mafalda ou Zoo, que anunciaron a súa despedida dos escenarios en 2024, Soziedad Alkoholika, Los Chikos del Maíz, Rebeliom do Inframundo, Familia Caamagno ou Arrythmia, entre outros.