O HULA organiza unha gala benéfica para recadar fondos para o parque infantil Murallalandia
LugoXa
O espectáculo celebrarase o xoves 12 de novembro no Auditorio Fuxan os Ventos e contará con actuacións de baile urbano, canto en directo, maxia e baile caribeño
9 Nov 2026
O Departamento de Humanización do Hospital Universitario Lucus Augusti (HULA) organizará o vindeiro xoves 12 de novembro unha gala benéfica a favor de Murallalandia, o parque infantil da área de Pediatría do centro hospitalario.
A cita, que terá lugar no Auditorio Fuxan os Ventos a partir das 19:30 horas, ofrecerá unha tarde de entretemento e solidariedade con diferentes propostas artísticas, entre elas actuacións de baile urbano, canto en directo, maxia e baile caribeño.
A iniciativa ten como obxectivo recadar fondos para Murallalandia. As entradas terán un prezo de 10 euros e poderán adquirirse na billeteira do auditorio o mesmo día do espectáculo, a partir das 18:00 horas.