O I Campus do Ribeira Lieders - Somos Fútbol chega a Lugo en xuño
![ribeira futbol sala](https://lugoxa.com/wp-content/uploads/2021/05/ribeira-futbol-sala.jpg)
O I campus do Ribeira Lieders - Somos Fútbol chega a Lugo o vindeiro mes de xuño nos días 23-24-25-28-29 e 30. O horario será de 9:00 a 14:00 horas, con opción de madrugadores (de 8:00 a 9:00 horas) e con opción a comedor (de 14:00 a 17:00 horas).
As instalacións nas que se realizará o campus serán as instalacións de Somos Fútbol, que contan cun campo de fútbol de herba natural e cunha pista polideportiva de parqué na que se poden practicar diferentes disciplinas deportivas.
O campus está dirixido a nenos e nenas de entre 4 e 12 anos no que, ademais de fútbol sala, se levarán a cabo moitos máis deportes, actividades e excursións, entre outras.
As prazas son limitadas e o prazo de inscrición remata o 14 de xuño. As inscricións poden realizarse tanto na tenda de Somos Fútbol como no centro deportivo Terra os luns, mércores e venres de 16:00 a 20:00 horas. Así mesmo, o clube realiza descontos aos xogadores/as do propio clube Ribeira F.S., aos irmáns de xogadores/as e aos xogadores/as que queiran traer a algún participante máis.
Para calquera dúbida ou para máis información pódese contactar a través dos números de teléfono 686 082 236 ou 689 046 106.
![cartel campus ribeira](https://lugoxa.com/wp-content/uploads/thumbs/2021/05/cartel-campus-ribeira-200x200.jpg)