O IES Monte Castelo de Burela acolle un concurso de microrrelatos de terror
O IES Monte Castelo de Burela acolle un concurso de microrrelatos de terror para celebrar o Samain 2020.
Poderá presentarse ao concurso calquera membro da comunidade educativa do IES Monte Castelo, establecéndose tres categorías, alumnado de 1º e 2º da ESO, alumnado de 3º e 4º da ESO e alumnado de 1º / 2º de Bacharelato.
Cada participante poderá presentar tantos microrrelatos como estime oportuno e estes deberanse presentar en folio, un por cada texto que participe no concurso.
Os relatos breves que se escriban a ordenador deberán empregar as fontes Times new roman tamaño 12 ou Calibri tamaño 11. No seu caso, o alumnado que non dispoña de ordenador ou impresora poderá achegar os textos manuscritos, sempre que o xurado do concurso considere que a caligrafía dos mesmos é lexible.
Os microrrelatos presentados poderán ser publicados ou difundidos no blog da biblioteca do IES Monte Castelo ou naqueles medios que o xurado considere oportuno e terán que entregarse na biblioteca ou ao profesorado de linguas entre os días 19 e 30 de outubro, ambos incluídos, do ano 2020.
O fallo do xurado será na primeira semana de novembro, durante os recreos, momento no que se darán os premios aos participantes, e no que se procederá á lectura dos microrrelatos gañadores.
O/a autor/a gañador/a de cadansúa categoría recibirá un terrorífico agasallo.