O IES Sanxillao celebrará a súa festa de fin de curso con deporte, música e gastronomía
A ANPA, o Clube de Baloncesto e o IES Sanxillao organizan a festa de fin de curso do centro, un evento que terá lugar o vindeiro mércores 17 de xuño no pavillón do propio instituto, entre as 17.00 e as 20.00 horas. A iniciativa pretende converterse no acto de clausura do curso académico 2025/26, reunindo alumnado, profesorado, familias e comunidade educativa nunha xornada festiva.
O programa inclúe a celebración do III Torneo de Baloncesto 3x3, unha das actividades máis agardadas da tarde, así como unha degustación de petiscos elaborados polo departamento de Hostalaría do centro.
A música tamén terá un papel protagonista coa actuación de Marvin L. e DJ Oujaypee, que amenizarán a xornada cunha proposta pensada para todos os públicos. Ademais, durante o evento levarase a cabo a entrega dos premios da sétima edición do Concurso de Inclusión, unha iniciativa que promove valores de respecto, igualdade e convivencia entre o alumnado.
A festa completarase con baile e música, nun ambiente pensado para celebrar o remate do curso e fomentar a participación de toda a comunidade educativa do IES Sanxillao.