Cultura

Hipócrita Teatro volve este sábado coa programación cultural no seu Local Hipócrita, coa peza teatral 'Formigas no Peto' de Ítaca Teatro.

O Local Hipócrita, de Hipócrita Teatro, continúa coa súa programación cultural que ten lugar o primeiro e último sábado de cada mes. Este sábado ás 20 horas, de novo, unha actuación teatral encherá de arte este local, a cargo de Ítala Teatro.

A obra, Formigas no peto, protagonizada, unicamente, por Carlos Rebolo, mestura narración oral, teatro de imaxes e teatro de actor.

O espectador mergullarase na infancia a través da memoria do protagonista. Unha memoria que, en parte, podería ser a de calquera, porque nela danse a man o individual e o colectivo “o que nos fai únicos e o que nos vencella cos demáis”.

As entradas poden adquirirse, dende unha hora antes do espectáculo, na rúa Doutor Gasalla, 18.