O luns comeza a XLIV Semana de Cine de Lugo
Un ano máis Lugo énchese de cine coa celebración da XLIV Semana de Cine de Lugo que terá lugar dende o 19 ata o 24 de setembro.
Nesta corenta e catro edición o festival proxectará máis de 100 películas onde estarán presentes as homenaxes a María Casares, Margarita Ledo Andión e Dario Xoán Cabana e tamén haberá espazo para grandes clásicos como O Acorazado Potemkim.
A programación desta semana chea de cine garda espazo para unha gran variedade de películas que se reparten en diferentes seccións como infantil, oficial, cine documental, curtametraxes ou o cine en galego. Todas elas con gran número de títulos nacionais e internacionais onde escoller para poder desfrutar de longametraxes e curtametraxes o longo de toda a semana.
Ademais da proxección das películas a Biblioteca Provincial acollerá unha exposición sobre María Casares que se inaugurará o martes 20 ás 17.30 e na que se presentará o libro María Casares. Vive desde hai cen anos do autor Manuel Curiel.
Para poder acceder ás películas é necesario mercar ou reservar entradas aquí e para máis información e o programa completo está dispoñible a páxina oficial da Semana do Cine.
