O mago Marcos Waldemar achegará a súa maxia a Monterroso nunha gala solidaria

Terá lugar o sábado, 21 de decembro, ás 20.00 horas no salón de actos do Centro Sociocultural.

O mago Marcos Waldemar achega a súa maxia a Monterroso nunha gala solidaria que vai ter lugar o sábado, 21 de decembro, ás 20.00 horas no salón de actos do Centro Sociocultural.

O ilusionista máis internacional de Monterroso presentou o cartel da gala acompañado polo alcalde de Monterroso, Eloy Pérez, quen anima a participar neste evento solidario que leva por título 'Inherente, un show de maxia (uni)persoal'.

Desta maneira, as persoas interesadas en participar desta iniciativa solidaria, xa que todos os beneficios serán doados á COGAMI, poden adquirir as súas entradas a un prezo de 10 euros en Pazo Ludeiro, Pizzería Bahía, Café-Bar Os Trasnos e Café-Bar Bruselas.