Axenda

A Rede Museística de Lugo impulsa esta actividade dentro do programa Estratexias de Museoloxía Social, aberta á participación de persoas con vivencia migrante propia ou próxima

O Museo Provincial de Lugo promove o obradoiro 'Cartografía da Acollida', o sábado 27 de setembro, entre as 10:30 e as 17:30, cunha pausa para xantar.

A iniciativa da Rede Museística celébrase dentro do programa Estratexias de Museoloxía Social, adicado este ano á interculturalidade e á diversidade.

A proposta está coordinada por Leonardo Casado, museólogo e xestor cultural con vinculación profesional e de amizade coa Rede, e xorde da súa propia experiencia como migrante. No obradoiro, todas as persoas participantes terán algo que aportar, especialmente aquelas cunha vivencia migrante propia ou próxima.

Durante a xornada, conversarase, mapearase a cidade e elaboraranse propostas que contribúan a fortalecer a comunidade desde a perspectiva da interculturalidade, do respecto á diversidade e da inclusión.